Y
og tias koj yog ib tug tswvcuab nrog
Medi-Cal, koj yuav tsum rov qab ua
ntawv thov ib zaug txhua xyoo los
txais Medi-Cal. Txoj kev rov qab ua ntawv
thov kuj muaj lub npe hu tias txoj kev rov
txiav txim thiab. Cov chav haujlwm rau Lub
Cheeb Nroog Qhov Medi-Cal yog cov uas
yuav ua ntawv tauj xyoo tshiab rau koj, tsis
yog lub Alliance.
Medi-Cal tau nres lawv txoj kev rov qab ua
ntawv thov thaum lub Ib Hlis Ntuj mus txog
Lub Tsib Hlis Ntuj xyoo no vim tias txoj kev
rov qab ua ntawv thov tau hloov lawm. Yog
tias lub sijhawm rau koj rov qab ua ntawv
thov poob rau cov hli ntawd, koj yuav txais
ib daim ntawv tuaj qhia rau koj tias koj lub
hli rov qab ua ntawv thov yuav yog thaum
twg. Piv txwv li, yog koj lub hli rov qab ua
ntawv thov yog lub Ib Hlis Ntuj, koj yuav tsum
txais ib daim ntawv Lub Plaub Hlis Ntuj tuaj
qhia rau tias koj lub hli tshiab rov qab ua
ntawv thov yuav yog lub Rau Hli Ntuj lawm.
Ua li cas kuv thiaj li paub tias txog
lub sijhawm kuv yuav tsum rov qab
ua ntawv thov?
Koj yuav txais ib daim
ntawv thiab cov ntawv rov qab thov ob lub
hlis ua ntej koj lub hnub tim uas yuav tsum
rov qab ua ntawv thov. Daim ntawv no yuav
tuaj rau koj lub chaw nyob uas lub chav
haujlwm Medi-Cal muaj nyob rau hauv lawv
cov ntaub ntawv uas qhia txog koj. Yog tias
koj tsiv tsev txij thaum koj tau cuv npe nkag,
hu rau koj lub chav haujlwm rau Lub Cheeb
Nroog Qhov Medi-Cal hauv koj lub nroog
kom qhia tau koj qhov chaw nyob tshiab rau
lawv.
Kuv yuav rov qab ua ntawv thov li
cas?
Koj daim ntawv qhia txog txoj kev rov
qab ua ntawv thov mam li qhia koj tias koj
yuav tsum ua dabtsi. Nws yuav qhia tias koj
yuav tsum muab ntaub ntawv dabtsi. Nws
tseem ceeb yog tias koj ua cov ntawv rov qab
thov ua ntej lub hnub tim xaus. Yog tias koj
tsis ua, koj yuav txais tsis tau koj cov kev pab
los ntawm Medi-Cal lawm.
Koj rov qab ua ntawv thov tau thaum
koj muab xa tuaj rau peb, hu tuaj hauv xov
tooj, tuaj kiag koj tus kheej los yog ua saum
Internet. Tag nrho tej yam uas koj yuav tsum
muab rau peb yeej nyob rau ntawm cov
ntaub ntawv uas peb xa tuaj rau koj. Txawm
tias koj tsis muaj txhua yam uas peb tau nug
nyob rau ntawm daim ntawv rov qab thov,
los cia li hu, xa los yog nqa cov ntaub ntawv
uas koj muaj tuaj rau peb. Qhov no yuav
qhia rau tus neeg ua haujlwm nrog Medi-
Cal paub tias koj txais tau peb daim ntawv
thiab koj tseem xa txais Medi-Cal. Koj kuj hu
tau rau tus xov tooj uas nyob ntawm daim
ntawv yog tias koj muaj lus nug thiab.
Yog tias tsis ua kom koj cov ntaub ntawv
rov qab thov tiav txhij txhua, koj cov kev pab
los ntawm Medi-Cal yuav xaus. Tom qab
ntawd, koj yuav muaj 90 hnub los ua ntawv
rov qab thov kom tiav los rov qhib koj qhov
Medi-Cal. Yog tias koj rov qhib koj qhov
Medi-Cal ua ntej 60 hnub ntawm hnub uas
koj qhov Medi-Cal xaus, koj tseem yuav yog
ib tug tswvcuab ntawm lub Alliance. Yog tias
koj rov qhib koj qhov Medi-Cal li ntawm 60
hnub mus txog 90 hnub tom qab koj qhov
Medi-Cal xaus, koj yuav muaj Lub Xeev Qhov
Medi-Cal rau ib los yog ob lub hlis ua ntej
koj mam li rov qab los ua ib tug tswvcuab
nrog lub Alliance dua.
Tom qab 90 hnub, koj yuav tau rov qab
thov yog tias koj xav tau Medi-Cal dua.
Nws txhais tau li cas yog tias kuv
poob kuv qhov Medi-Cal?
Yog tias koj
poob koj qhov Medi-Cal, koj yuav poob koj
qhov kev pab them nqi rau kev kho mob.
Koj yuav tsis yog ib tug tswvcuab nrog lub
Alliance lawm.
Koj rov qab ua ntawv thov los tau, tiamsis
koj cov kev pab them nqi yuav muaj ib lub
sijhawm uas nws yuav tsis pab them nqi.
Yog tias koj txais Medi-Cal los
ntawm Social Security.
Yog tias
koj txais Medi-Cal vim tias koj txais nyiaj
Supplemental Security Income (Nyiaj Xiam
Oob Qhab; SSI) los ntawm Social Security
Administration, koj yuav tau ua lwm yam
txawv. Lub chav haujlwm Social Security mam
li qhia rau tias koj yuav ua ntawv tauj xyoo
tshiab rau koj txoj kev tsim nyog thaum twg.
Xov tooj uas koj hu tau rau Lub
Cheeb Nroog Qhov Medi-Cal:
Lub Cheeb Nroog Santa Cruz,
1-888-421-8080
Lub Cheeb Nroog Monterey,
1-877-410-8823
Lub Cheeb Nroog Merced,
209-385-3000
Ua kom koj txais tau kev pab twj ywm mus
Nco Ntsoov ua ntawv rov qab thov rau koj qhov Medi-Cal
nyob noj qab
haus huv
5
xov xwm tswvcuab
