2 / 6
cov kev pab
2
nyob noj qab
haus huv
T
haum koj yog Alliance tus
tswvcuab, koj yuav tsis thas them
rau cov kev pab uas peb pab them
rau tiamsis yog tias koj:
Muaj Tus Nqi Feem Tau Nrog Them rau
Medi-Cal (Share of Cost)
Yog ib tug tswvcuab nrog Alliance
Healthy Kids lossis Alliance Care In-Home
Supportive Services (IHSS; Cov Kev Pab
Txhwb Hauv Vaj Tse) uas txais ib txoj kev
pab uas muaj tus nqi feem tau nrog them
Mus rau ib tug kws kho mob uas tsis
kam txais Alliance, thiab koj hais rau tus
kws kho mob tias txawm li ntawd los koj
tseem xav mus ntsib nws thiab koj mam
li them koj tus kheej rau cov kev pab
Muaj Medicare thiab Medi-Cal ob qho
thiab:
•
Koj xaiv mus ntsib ib tug kws kho
mob uas tsis kam txais Medi-Cal los
ua koj qhov kev fajseeb kho mob
thib ob
•
Koj them Medicare tus nqi feem tau
nrog them rau tshuaj
Tiamsis nws yeej muaj qee zaus uas
koj yuav txais ib daim nqi. Tsis txhob lam
muab saib tias nws tsis tseem ceeb. Ua
raws li cov kauj ruam ntawm no:
Hu rau tus xovtooj uas nyob ntawm
daim nqi thiab nug lawv tias vim li cas
lawv xa tuaj rau koj. Tej zaum lawv tsis
paub tias koj muaj hom kev fajseeb kho
mob dabtsi.
Yog tias koj yeej tsim nyog nyob hauv
Alliance thaum koj mus txais cov kev pab,
qhia rau tus kws kho mob tias koj yog
Alliance tus tswv cuab thiab muab koj tus
lej Alliance ID rau lawv. Koj nrhiav tau
qhov no ntawm koj daim Alliance card.
Nug kom tus kws kho mob xa daim nqi
rau txoj (cov) kev pab tuaj rau peb.
Yog tias koj yeej ua li no lawm tiamsis
koj tseem txais daim nqi, hu rau Lub
Chaw Pab Cuam Cov Tswvcuab. Saib
xyuas zoo kom koj muaj:
Koj tus lej Alliance ID
Lub npe thiab tus xovtooj ntawm tus
kws kho mob uas xa daim nqi rau koj
Tus lej rau koj lub account ntawm koj
daim nqi
Tej yam lus qhia txog txoj (cov) kev pab
uas koj tau txais thiab lub (cov) hnub tim
uas koj tau mus txais
Tus nqi tagnrho ntawm daim nqi
Tej zaum peb yuav pab tsis tau koj yog
tias koj tsis paub cov ntawm no. Peb yuav
pab tsis tau koj nrog cov nqi uas twb tau
ntev tshaj ib xyoos lawm.
Yog tias koj muaj lwm hom kev
fajseeb kho mob.
Feem ntau, lwm
qhov kev fajseeb kho mob uas koj muaj
yog koj thawj qho kev fajseeb. Qhov no
txhais tias tus kws kho mob yuav xa daim
nqi mus rau lwm qhov kev fajseeb uas koj
muaj ua ntej lawv xa daim nqi tuaj rau
Alliance. Yog tias koj txais ib daim nqi
thiab koj muaj lwm hom kev fajseeb kho
mob, saib seb tus kws kho mob puas tau
xa daim nqi rau lwm qhov kev fajseeb uas
koj muaj ua ntej.
Yog tias koj txais cov kev pab
them cov nqi kho mob uas tau
siv ua ntej tsis tau yog ib tug
tswvcuab nrog Medi-Cal.
Muaj
qees zaus cov tib neeg uas txais Medi-Cal
txais cov kev pab tom qab lawv twb txais
cov kev kho mob tag lawm. Txoj kev pab
ntawd yuav mus tau rov qab kom nws
pab them rau cov kev pab uas koj tau
txais. Qhov no hu tias txoj kev pab them
cov nqi kho mob uas tau siv ua ntej tsis
tau yog ib tug tswvcuab.
Yog tias koj yog Alliance Medi-Cal tus
tswvcuab uas txais txoj kev pab them
cov nqi kho mob uas tau siv ua ntej tsis
tau yog ib tug tswvcuab, nws yog koj
lub luag haujlwm los qhia rau koj tus
kws kho mob tias tamsim no koj muaj
Medi-Cal lawm. Tus kws kho mob yuav
tau xa daim nqi mus rau lub xeev qhov
Medi-Cal rau cov kev pab uas koj tau
txais rau lub sijhawm uas koj tsis tau yog
ib tug tswvcuab, tsis yog xa mus rau lub
Alliance. Muab koj tus lej Medi-Cal ID rau
koj tus kws kho mob li ntawd lawv thiaj li
xa tau daim nqi rau lub xeev rau cov kev
pab uas lawv tau muab rau koj.
Kuv yuav ua li cas yog
tias kuv txais daim nqi?