5 / 6
kev noj qab haus huv ntawm lub ntsws
Cov tswv yim koj siv tau los pab
tswj koj tus mob hawb pob
T
haum koj tus mob ua pa tsis nto
huam tuaj nws yog ib yam uas
txaus ntshai heev, nws yim huab
txaus ntshais yog tias koj saib koj tus
menyuam sim ua pa lossis koj yog tus uas
sib zog ua pa. Cov tib neeg uas muaj tus
mob ua pa tsis nto muaj teeb meem ua
pa rau tej lub sijhawm. Cov kev mob uas
tshwm sim thaum tus mob ua pa tsis nto
huam tuaj yog hnoos, hnov hauv siab nruj
nruj, hawb pob thiab hais lus nyuaj nyuaj.
Nws tsis muaj ib yam dabtsi uas yuav
kho tau tus mob ua pa tsis nto, tiamsis koj
yeej tswj tau. Peb tau ua ib daim ntawv
teev tseg raws li tebchaws cov cai kom
peb paub tseeb tias koj muaj tej yam los
pab koj tswj koj tus mob ua pa tsis nto.
Paub cov tshuaj uas koj siv rau
koj tus mob ua pa tsis nto.
Mus ntsib
koj tus kws kho mob los tham txog koj
tus mob ua pa tsis nto thiab saib seb koj
yuav tsum tau yam tshuaj dabtsi. Ntau
tus neeg yuav tsum tau ob hom tshuaj
los pab tswj lawv tus mob ua pa tsis nto:
Tshuaj pab nrawm los pab thaum koj tus
mob ua pa tsis nto huam tuaj (cov tshuaj
“pab txo” lossis “pab cawm”) thiab tshuaj
los pab tiv thaiv kom koj tus mob ua pa
tsis nto tsis txhob huam tuaj uas koj yuav
tau siv txhua hnub, uas hu tias tshuaj pab
tswj.
Tsim txoj kev npaj ua rau tus mob
ua pa tsis nto (asthma action plan;
AAP).
Koom tes nrog koj tus kws kho
mob los tsim ib qho AAP los pab seb koj
yuav tau siv koj cov tshuaj li cas thiab
thaum twg. Tej zaum koj tus kws kho
mob yuav hais kom koj siv koj cov tshuaj
txawv yog tias koj mob heev zog tuaj
lossis koj yuav nyob ze tej yam uas yuav
ua kom koj cov tsos mob phem zog tuaj,
uas hu tias tej yam uas txob koj tus mob
ua pa tsis nto.
Tswj koj tus mob ua pa tsis nto.
Sau cia tias koj nyob li cas. Kho txoj kev
siv los yog noj tshuaj kom nws haum
raws li koj qhov AAP. Paub tias thaum
twg yog lub sijhawm uas koj yuav tau hu
rau koj tus kws kho mob. Koj yuav tsum
muaj qhov no sau rau hauv koj daim
AAP.
Koom tes nrog koj tus kws kho
mob.
Mus ntsib koj tus kws kho mob
txog koj tus mob ua pa tsis nto yam
tsawg kawg yog ib zaug ib xyoos. Thiab
saib xyuas zoo tias koj mus rau koj tus
kws kho mob lub chav haujlwm tom qab
koj tau mus rau tom lub hoob kho mob
xwmtxheej ceev lossis raug mus pw hauv
tsev kho mob loj rau koj tus mob ua pa
tsis nto.
Paub tej yam uas yuav ua rau koj
tus mob ua pa tsis nto huam tuaj.
Tsis
txhob nyob ze tej yam uas yuav ua rau
koj tus mob ua pa tsis nto huam tuaj.
Txwv tsis txhob nyob ze tej yam khoom
uas yuav ua rau koj tus mob ua pa tsis
nto phem zog tuaj—tej yam ncho pa,
plua tshauv, tej yam tswv ntxhiab thiab
tej yam tsuag tsw heev, tsiaj, cov hmoov
ntawm cov ntoo thiab cov paj, kev mob
khaub thuas thiab mob npaws, thiab kev
khiav lossis tej yam kev ua si uas yuav tau
sib zog siv lub cev. Tej yam uas yuav ua
kom tus mob huam tuaj yeej txawv rau
txhua tus neeg uas muaj tus mob ua pa
tsis nto. Koj puas paub tias dabtsi thiaj li
ua kom koj tus mob ua pa tsis nto huam
tuaj?
Thaum koj koom tes nrog koj tus kws
kho mob thiab koj kawm tias koj yuav
ua li cas kom koj tswj tau koj tus mob
ua pa tsis nto, koj yuav ua tau pa zoo
zog thiab nyob tau ib lub neej ua tau
ub tau no heev zog tuaj. Lub Alliance
muaj ib qho kev pab cuam, uas hu tias
Healthy Breathing for Life Program
(Txoj
Kev Pab Cuam Kom Ua Tau Pa Yoojyim
Mus Tas Sim Neej), uas yuav pab them
rau tej co sijhawm mus ntsib thiab tej co
hoob mus kawm txog tus mob ua pa tsis
nto. Ntxiv mus, Alliance cov tswv cuab
uas muaj hnub nyoog 5 xyoos mus txog
64 xyoos uas muaj tus mob ua pa tsis
nto uas muaj ib qho AAP nrog lawv tus
kws kho mob yuav nkag tau rau
qhov
kev rho npe seb koj puas yeej daim
gift card $50
. Yog tias koj xav paub ntau
zog txog qhov kev pab cuam no, hu rau
lub chaw Pab Qhia Kev Noj Qab Haus Huv
Tus Xov Tooj ntawm
1-800-700-3874,
ext. 53624
.
5
nyob noj qab
haus huv