4 / 8
xov xwm tswvcuab
KEV TAU TXAIS KEV TEEM CAIJ
Koj yuav tsum tau tos
ntev npaum li cas?
Peb paub hais tias nws tseem ceeb heev
rau koj uas tau txais kev kho mob thaum
uas koj tsim nyog tau. Tab sis yuav ua tsis
tau txhua lub sij hawm uas tus kws kho
mob yuav los saib koj tam sim ntawd. Tej
zaum koj kuj yuav tau tos ntev dua lwm tus
rau qee yam thaum koj teem sijhawm. Piv txwv,
koj yuav tsum tau txais kev teem sijhawm kho mob
maj ceev (kev kho mob thaum uas koj mob) sai dua qhov kev teem caij rau kev ntsuam
xyuas mob raws sij hawm.
Peb ua haujlwm nrog cov kws kho mob thiab cov chaw kho mob hauv peb pab pawg
kho mob kom ua tau hais tias koj tuaj yeem tau txais kev kho mob thaum uas koj tsim
nyog tau. Peb ib txwm ua tau li no vim peb paub hais tias nws tseem ceeb heev.
Cov kev npaj kho mob hauv California yuav tsum ua kom tau raws cov cai uas yuav
tsum muaj hau kev mus rau kev kho mob. Cov cai qhuab los muab txoj cai lij choj no
tso kom muaj chaw hu ua Hau Kev Nkag Raws Sijhawm rau Kev Pab Cuam Kho Mob
Uas Tsis Yog Xwmtsheej Ceev (Timely Access to Non-Emergency Health Care Services).
Muaj cov cai rau cov kev teem caij uas sib txawv.
Nyob rau daim ntawv hauv qab no yog cov qauv rau ntau hom kev teem caij sib
txawv. Cov sij hawm nyob tos rau ib qho kev teem caij twg kuj yuav ntev dua yog tias
tus kws kho mob xav hais tias nws yuav tsis muaj kev puas tsuaj rau koj li kev noj qab
haus huv yog tias koj tau tos ntev dua.
Yog tias koj mloog zoo li koj tsis tau txais kev kho mob thaum uas koj tsim nyog
tau, hu rau lub Chaw Pab Cuam Tswvcuab ntawm
1-800-700-3874
.
Hom kev kho mob uas koj tsim
nyog tau
Lub sij hawm uas tau txais ib qho kev
teem caij
Kev kho mob sai
Tsis pub dhau 48 xuab moos tom qab uas koj hu
xov tooj rau
Kev kho mob xub thawj uas tsis sai
Tsis pub dhau 10 hnub ua haujlwm tom qab uas
koj hu rau
Kev kho mob los ntawm ib tug uas
paub txog ib yam mob zoo heev uas
tsis sai
Tsis pub dhau 15 hnub ua haujlwm tom qab uas
koj hu rau
Kev kho mob nyuaj siab lossis puas
hlwb uas tsis nus ntsib ib tus kws
kho mob, tsis sai
Tsis pub dhau 10 hnub ua haujlwm tom qab uas
koj hu rau
Kev pab cuam soj ntsuam mob uas
tsis sai
Tsis pub dhau 15 hnub ua haujlwm tom qab uas
koj hu rau
Tsis paub meej txog kev xa
mus thiab kev tso cai lod?
Koj puas paub thaum koj yuav tsum raug xa mus
los ntawm koj tus Thawj Kws Kho Mob (Primary
Care Provider; PCP, raws li sau hauv lus Askiv) ua
ntej yuav tau txais kev pab cuam? Qhov sib txawv
ntawm kev xa mus thiab kev tso cai yog dab tsi? Koj
puas mus tau rau ib tug kws kho mob uas tsis muaj
ntawv cog lus? Hos tus kws kho mob uas tsis nyob
rau hauv cheeb tsam kev pab cuam ne?
Cov cai ntawm koj qhov kev npaj kho mob tuaj
yeem yog ib qho uas ntxhov siab heev. Tab sis yog
tias koj tsis ua raws, koj kuj yuav tsis tau txais cov
kev pab cuam. Ntawm no yog cov ntawv los mus
pab koj ua raws cov cai ntawm koj qhov kev npaj.
Kev xa mus.
Yog tias koj raug cob rau ib tug PCP
twg ntawm lub Alliance lawm, ces koj yuav tsum
muaj ib daim ntawv xa mus koj thiaj li mus ntsib
lwm tus kws kho mob tau. Muaj kev zam rau qhov
no. Thov saib lub npov ntawm sab xis kom paub
txog cov kev zam no yog dabtsi.
Yog tias koj tus PCP xav hais tias koj yuav tau
mus ntsib lwm tus kws kho mob ces nws yuav
tau sau Daim Ntawv Sab Laj Kev Xa Mus (Referral
Consultation Form, raws li sau hauv lus Askiv). Koj
tus PCP mamli xa ib daim luam qauv mus rau tus kws
kho mob uas koj raug xa mus rau thiab ib daim luam
qauv mus rau lub Alliance. Daim ntawv xa mus yog
ua kom lwm tus kws kho mob thiab lub Alliance paub
hais tias koj tus PCP tau pom zoo li cas rau qhov kev
mus ntsib. Yog tias peb tsis muaj daim ntawv xa mus,
peb yuav tsis them nqi rau lwm tus kws kho mob.
Kev xa mus ntxiv uas tso cai.
Feem ntau, koj tus
PCP yuav xa koj mus rau ib tug kws kho mob uas nyob
rau hauv peb pab pawg kws muab kev pab cuam. Peb
cov cheeb tsam uas peb muab kev pab cuam yog cov
cheeb nroog Santa Cruz, Monterey thiab Merced. Yog
tias koj tus PCP xa mus rau ib tug kws kho mob uas
tsis nyob rau peb pab pawg kws muab kev pab cuam
ces nws yuav tau txais kev pom zoo (thiab tseem hu
ua kev tso cai) los ntawm peb ua ntej tso. Qhov no hu
ua
kev xa mus uas tso cai
. Muab hu li no vim yog
4
nyob noj qab
haus huv